بوابة الساعة الإخبارية رئيس مجلس الإدارة محسن سرحان
بقلم دكتور خالد مندر استشاري نفسي واسري وزوجي وتعديل سلوك
في ناس كتير بتتقال عليهم
“انت بس مكسوف”
“كبر دماغك وتعامل عادي”
بس الحقيقة ان الموضوع مش بسيط كده
في فرق كبير بين الكسوف
وبين انك تبقى واقف قدام الناس وقلبك بيدق بسرعة
ومش عارف تقول كلمتين
ده اسمه رهاب اجتماعي
ايه اللي بيحصل؟
قبل اي موقف فيه ناس
عقلك يبدأ يشتغل زيادة
هتبص ازاي
هتتكلم ازاي
هيحكموا عليك بايه
وتلاقي نفسك بتتوتر
وتحاول تهرب
اعراض ناس كتير مش واخدة بالها منها
خوف من الكلام قدام الناس
تجنب التجمعات
تفكير زيادة بعد اي موقف
احساس دايم ان الناس بتراقبك
ليه ده بيحصل؟
غالبا بسبب تجارب قديمة
موقف اتحرجت فيه
او حد انتقدك بشكل قاسي
ومن وقتها عقلك قرر يحميك
بطريقة غلط
المشكلة فين؟
انك بتبدأ تبعد
وتقول انا كده مرتاح
بس الحقيقة
كل ما بتهرب .. الخوف بيكبر
تعمل ايه؟
ابدأ بخطوات صغيرة
مش لازم تواجه مرة واحدة
اتكلم مع شخص واحد
وبعدها اتنين
وخد الموضوع بالتدريج
وفهم نفسك حاجة مهمة
مش كل الناس مركزة معاك
كل واحد مشغول بنفسه
عايز اقول حاجة وب
انت مش ضعيف
انت محتاج تفهم نفسك وتديها فرصة
