بوابة الساعة الإخبارية رئيس مجلس الإدارة محسن سرحان
حوار رانيا اللوزي
وتروى زوجته القصة من البداية وقبل الوفاة بيوم واحد وتقول،كان كويس جدا ومش بيشتكي من أي شئ قبلها بيوم كان مسافر الجمالية وجايب أسماك اتعشي سمك ونام عادي خالص صحي الفجر يقول صدرى ويصرخ اتصلت بأخواته يأخدوه المستشفي وخدوه لمستشفي السرو حسبيا الله ونعم الوكيل في كل العاملين بها وفي مدير المستشفي شخصيا رايح المستشفي ماشي علي رجليه طبعا عما صحينا اللي في المستشفي كانوا نايمين وعملوا الإجراءات .
قالوا ضغطه عالي واشتباه في جلطه وذبحه صدريه وهيبقي كويس ومعملوش أشاعات ولا اكتشفوا النزيف ودخل وحالته بتسوء قولتله هوديك مستشفي خاصة قالي أنا هبقي كويس سيبناه مع معاملة سيئه من طاقم التمريض والأمن وغرفة العناية منتهي الأهمال ومفيش نظافه نهائي ومليانه ذباب وطردونا خارج العنايه وروحنا وممدوح كان بيكلمنا وفايق وكلمني الصبح قالي هتجبيلي أكل وخدت الأكل وروحتله الساعه 4 ولقيت حالته بتدهور مكنش قادر يبلع الأكل وأخته حاولت تأكله ولم يستجيب قالتلي لازم ننقله مكان كويس المستشفي منعتنا قالوا مينفعش يطلع من عالأجهزة أخواته وصلوا المستشفي وهو عنده صداع شديد لدرجه انه كان بيشد إيدينا ندلك دماغه قولتلهم نخرجوا حالته بتسوء رفضوا ابتدي يفقد الوعي ودخل فى غيبوبة
وتابعت اترجيتهم اقعد معاه طردوني واللي ماسك الحاله دكتور صغير مبتدأ لسه بيتعلم نزلونا قعدت تحت في الحديقه أختي قعدت تتحايل عليهم يسيبوني اقعد عشان ندلك دماغه رفضوا آخر كلمة قولتله لا إله إلا الله ورد عليا وسبناه ونزلنا تحت و فرد الأمن قالي أنتي لسه هنا قولتله هقعد هنا للصبح قالي بكل سخريه جوزك فصل خالص اركبي معاه الإسعاف يروح مستشفي الزرقا وركبوه الإسعاف وهو شبه ميت وعربية الإسعاف منتهي الإهمال حتي الدكتور لامبالاه مكنش حتي بيتابع الأجهزة اللي متعلقه لممدوح بقت تقع في الأرض والدكتور ماسك التليفون وقاعد معانا في الاسعاف.
وصلنا الزرقا دخلوه الاشاعه المقطعيه ودخلوه غرفه منتهي الظلم يشفطوا دم من صدره وكل جسمه وهو شبه ميت اتحايلت عليهم بلاش يعذبوه هو خلاص طردوني وبهدلوني وقطعوا هدومي عليا خلصوا في الزرقا رجعونا السرو قالوا استدعوا دكتور من برا يتابعه وهيحتاج عملية برا خصوصي واحنا معندناش مانع لاي شئ المفروض كانوا قالوا لنا وضع الحاله ممدوح قعد ينزف 17 ساعه كنا لحقناه لكن مفيش أي مسئوليه كنا علي استعداد لاي تكاليف المهم يرجع ويبقي كويس هما عارفين أن فيه جلطه كان لازم يعملوا اشاعات من أول ما دخل المستشفي لكن اهملوه عاوزين حق ممدوح دمرونا كان هو الأب والسند وكل حاجة ليا ولاولاده لازم يتعاقبوا عشان ميكونش في حالات زي ممدوح تاني
