بوابة الساعة الإخبارية رئيس مجلس الإدارة محسن سرحان
بقلم دكتور خالد مندر استشاري نفسي واسري وزوجي وتعديل سلوك
لو بصيت على علاقاتك اللي فاتت
هتلاقي في شبه غريب بينها وبين بعضها.
نفس النوع من الناس
نفس التعب
وبرضوا نفس النهاية
الموضوع مش صدفة،
والمشكلة مش دايماً في الناس،
في جزء كبير جدا منها جواك انت.
طيب هو ايه اللي بيحصل؟
انت ممكن تكون متعود على نوع معين من المشاعر ، حتى لو كانت مؤلمة
مثلا : ( لو اتعودت على قلة الاهتمام ، هتحس ان ده الطبيعي )
او ( لو اتعودت تجري ورا الحب ، هتنجذب للي يخليك تجري وراه وتحبوا )
طيب ليه ده بيحصل؟
لان جواك احتياج قديم
ممكن يكون من الطفولة
او من علاقات سابقة
فبتدور على نفس الاحساس
مش نفس الشخص ( نفس الاحساس مش نفس الشخص )
هنا المشكلة الحقيقية
انك مش بتختار الخطوة
انت بتكررها
طيب الحل ايه ؟ وتعمل ايه؟
لازم تبدأ تسأل نفسك
انا مرتاح في العلاقة دي ولا لا؟
انا محتاج الشخص ده فعلا والا متعود عليه؟
فرق كبير بين الاتنين
عايز اقول حاجة فى النهاية
بلاش كل مرة تقول حظي وحش
ممكن تكون بتعيد نفس الاختيار
وانت مش واخد بالك، ومستحيل تكرر نفس الغلط وتنتظر نتيجة مختلفة .. وضحت؟
