بوابة الساعة الإخبارية رئيس مجلس الإدارة محسن سرحان
بقلم دكتور خالد مندر استشاري نفسي واسري وزوجي وتعديل سلوك
في ناس كتير فاكرة انها عندها مشكلة نفسية
بس الحقيقة غير كده
انت مش ضعيف
ومش معقد
ومش محتاج تتصلح
انت بس شايل فوق طاقتك
شايل مسؤوليات زيادة
شايل ضغط شغل
شايل توقعات من نفسك ومن الناس
وشايل كلام جواك محدش سامعه
ومع الوقت .. بتتعب
المشكلة مش فيك
المشكلة انك متعود تستحمل
تقول عادي
تعدي
تكتم
تسكت
لحد ما توصل لمرحلة
مش قادر تشرح انت حاسس بايه
ايه شكل التعب النفسي؟
انك تبقى ساكت بس جواك دوشة
تضحك بس مش مرتاح
تقعد مع ناس ومش حاسس انك موجود
تحس انك تقيل على نفسك
طيب وليه بنوصل لكده؟
لاننا اتعلمنا نكمل مهما حصل
بس ما اتعلمناش نريح نفسنا
طيب الحل ايه؟
خفف علي نفسك شوية
مش لازم تبقى قوي طول الوقت
اتكلم
حتى لو مع نفسك
اقبل انك بني ادم
مش ماكينة
الحقيقة اللي لازم تفهمها
صحتك ونفسيتك مش رفاهية
دي اساس حياتك
لو انت تعبان من جواك
ولا شغل ولا علاقات هتظبط
خلاصة الى عايز اقولوا
مش عيب تقول انا تعبان
العيب انك تفضل ساكت لحد ما تتكسر .. وضحت ؟
مواضيع متعلقة
