بوابة الساعة الإخبارية رئيس مجلس الإدارة محسن سرحان
فتح الفنان ميدو عادل قلبه عن حياته الأسرية ورؤيته للفن والشهرة، مؤكدًا أنه يرفض تمامًا إظهار أبنائه على مواقع التواصل الاجتماعي.
وقال ميدو بحسم:«أنا مبظهرش مع أولادي خالص علشان بخاف في يوم من الأيام حد فيهم يقول أنا بنت ميدو عادل أو ابن ميدو عادل.. ده شيء مش حلو إنسانيًا، أنا عايزهم يتعبوا ويثبتوا نفسهم بذاتهم مش باسم أبوهم».
وعن أكبر تحدي في حياته بعد الزواج، أضاف: «أكبر معاناة بتواجهني دلوقتي إني أطلّع بني آدم صالح في المجتمع ده.. لما اتجوزت بقيت مسؤول، ولازم أكون قد المسؤولية دي.
زمان الناس زعلت مني لما قولت إني مش مع فكرة الجواز، لكن دلوقتي أنا شايف إن الجواز مسؤولية كبيرة جدًا».
وعن حلمه لأولاده في المستقبل، فاجأ ميدو الجميع بقوله:«نفسي أوي أولادي يدخلوا مجال الفن.. الفن من أجمل النعم اللي ربنا خلقها في الدنيا، فيه كل أشكال الإبداع والتعبير عن النفس.. يا ريت أي حد فيهم يكون عنده موهبة ويخش المجال ده».أما عن السوشيال ميديا، فلم يخفِ ميدو غضبه الشديد منها، وقال:
«السوشيال ميديا أكبر كذبة في التاريخ.. الكل بقى ناقد وإعلامي وفنان ومحلل سياسي.. بتخرّب بيوت ونفوس.. أنا لحد ما أموت هفضل مبحبهاش أبدًا».
يُذكر أن ميدو عادل شارك في موسم رمضان 2025 بمسلسل «حكيم باشا» بطولة مصطفى شعبان، رياض الخولي، سهر الصايغ، سلوى خطاب، أحمد فهيم، ومجموعة كبيرة من النجوم، تأليف محمد الشواف وإخراج أحمد خالد أمين.
