بص علي بكرة بأمل ، واطلب من الدنيا القَصَاص ..

بص علي بكرة بأمل ، واطلب من الدنيا القَصَاص ..
وامسح الماضي اللي عدى ، واوعى تسيب اثر الرُصاص ..
وافتح قلبك للسما ، واعمل لنور الشمس شاي ..
وافرد سجادة الصلاة ، وإسأل الله الخَلاص ..

كان لازم نحس الحزن ..
وكان لازم ندوق الشر ..
ان بعد العسر يسرا ..
وإن بعد الموجة بر ..

وكان لازم نقع مرات ..
وكان لازم نتوه فترات ..
وكان لازم نُخش الدنيا ..
وندوق ف دربها الاضداد ..

وكان لازم فلان يأذيك ..
حتي لو انت مأذتهوش ..
علشان تفهم منه الدرس ..
وتفضل فاكره ماتنسهوش ..

وكان لازم تخونوا بعض ..
وكل حد يروح ف سيره ..
فيه علاقات لو تعرف غيبها ..
تحمد ربنا ع تدبيره ..