السعادة وعلاقتها بالضمير

كتبت/ رشا صلاح سيف استشاري اسري لايف كوتش اخصائي تعديل سلوك

السعادة شعور داخلي بسكينة النفس، وطمأنينة القلب،وانشراح الصدر، وراحة الضمير والبال لما تكون سلوكياتنا وضمائرنا في حالة اتحاد

قال الله تعالى: ﴿ مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ﴾ [النحل: 97].
الفكرة ان الحالة دي مش مستمرة طول الوقت هي حالة بنجاهد عشان نوصلها بالمحاولات دي:
-بالتسليم بأننا بشر بنغلط ونتوب ونفشل ونتعلم
-بقبول مشاعرنا المتلخبطه اللي مش دايما إيجابية واللي لو كانت سلبية هفهم هي جاية تقولي ايه واسمعها واهدي وأصلح بهدوء
-بالتوازن بين العمل والراحه بين التفكير العميق والتفكير في ولا حاجه
-بتفعيل الحرية النفسية انت مش مجبر ولا ملزم انت بتعمل اللي يرضي ضميرك
– بتفعيل الحدود النفسية لنفسنا وعدم تخطي حدود غيرنا
– بالوقت اللي بنقعد فيه مع نفسنا واحنا مش خايفين نلوم فيها أو نعذبها
– بالصلاة والصلة اللي بتشحن روحنا من الله عز وجل
– بعطاء جميل لحد محتاجك
– بمكالمة طيبه لحد عزيز عليك
– بالتوازن بين جوانب الحياة
– بالمرونة مع مشاكلنا ومسؤلياتنا

السعادة هي ليست غياب المشاكل، وإنّما القدرة على التعامل مع هذه المشكلات. “ستيف مارابولي”
ايه من الحاجات دي بتوصلك شعور السكينه